बालिकालाई यौन कार्यमा लगाउने बेलकोटकी नेपाली पक्राउ

नुवाकोट । नाबालिकालाई यौन क्रियाकलापमा लगाएको आरोपमा नुवाकोटको बेलकोटगढीकी एक महिलालाई प्रहरीले पक्राउ गरको छ ।

पक्राउ बलकोटगढी नगरपालिका वडा नम्बर ४ बस्ने २६ वर्षीया निशा भनिने रमिला नेपाली रहेकी छिन् । पक्राउ परेकी नेपालीलाई मानव बेचबखिचन अनुसन्धान ब्यूरोको टोलीले मित्रपार्कबाट पक्राउ परेको हो ।

उनले काठमाडौंको मित्रपार्कमा ‘स्वागतम रेष्टुरेन्ट एण्ड बार’ सञ्चालन गरी नाबालिकालाई उनीहरुको इच्छा विपरीत यौन क्रियाकलापमा लगाउने गरको पाइएको ब्यूरोका एसपी तथा प्रवक्ता गौतम मिश्रले बताए ।

नेपालीले आर्थिक अवस्था कमजोर भएका बालिकाहरुलाई वेटरको काम भन्दै जबरजस्ती यौन क्रियाकलापमा लगाउने गरेको आरोप छ । दैनिक ५ देखि १५ जना ग्राहकसँग यौन सम्पर्क गर्न लगाई रेष्टुरेन्ट सञ्चालकले रकम उठाउने गरेको प्रारम्भिक अनुसन्धानबाट खुलेको छ ।

ग्राहकले दिएकोमध्ये आधा रकम नाबालिकालाई दिने प्रलोभन देखाए पनि उक्त रकम समेत उनीहरुले नदिने गरेको प्रहरीले जनाएको छ ।

पक्राउ परेकी नेपालीविरुद्ध मानव बेचखिन तथा आसोरपसारको कसुरमा काठमाडौं जिल्ला अदालतबाट ३ दिनको म्याद लिएर अनुसन्धान अघि बढाइएको छ ।